شباب التحرير يعتذرون الى الفنان تامر حسنى وويطلبون نزوله مجددا للميدان

عارفين بجد ربنا عمره ما بينسى حق حد ابدا يا جماعه

عمر ما ربنا بيشوف حد مظلوم قدام عينيه ويسيبه كدة لازم بيرجعله حقه

وخصوصا لو كان الانسان دة نيته سليمه وبيتقى ربنا وبيتقى معصيه اوامره

اظن كلنا شوفنا اللى حصل لتامر فى ميدان التحرير اول امبارح صح ولا غلط؟

شوفنا ان ايه تامر اتهان وشوفنا اد ايه الناس كانت بتهاجمه وشوفنا اد ايه الناس ديه كانت مضلله

احنا اول ناس قولنا الناس ديه فهماه غلط وكل الاعلام قال لا دة تامر اضرب وكل الناس فرحوا فيه وكل الناس انبسطوا بـ اللى حصله

احنا قولنا لا يا جماعه تامر مش نازل يركب الموجه زى الناس تامر نازل يعتذرلكوا ويقولكوا انا اسف انا كنت فاهم غلط

وفى عز ما كان الاعلام كله ضد تامر والكل بيساند الناس اللى عملت كدة فى تامر ومش فى تامر بس لا دة فى تامر واحمد السقا وعمرو اديب واحمد حلمى ومليون حد

واظن كلكوا شوفتوا اللى حصل لـ الفنانين والشخصيات العامله اللى راحت التحرير وكانواعايزين يشاركوا بس بسبب سوء الفهم من بعض الناس ماقدروش

اول امبارح الفجر اللى حصل ان تامر نزل وحصل اللى حصل واللى كلنا وكل الاعلام شافه النهارده الصبح وبعد ما الناس اللى فى التحرير شافت اللى حصل

وفهمت الحقيقه وفهمت تامر كان فى نيته ايه ووصلهم اللى هو بيعمله وان نيته كانت خير مش زى ما كانوا فاكرين بعض الشباب اللى يهمها نجاح البلد ديه

رفعوا يفط مكتوب عليها اعتذارات لتامر وبيقولوله عايزينك معانا يا تامر وبنحبك واحنا كنا فاهمينك غلط بس الكلام فى الحاجات ديه ماينفعش

لان بكره هيطلعوا يقولوا لوكا دة كداب دة بيقول كدة علشان تامر مش عارف مديله كام وحاجات كدة انا عارف بس اكبر رد الصور

وادى صوره تانيه وسط الميدان وسط الناس ووسط المتظاهرين

دول الشباب الحقيقى مش الجماعات والاحزاب اللى قعدت تجرح فى تامر وتوصفه بـ ابشع الالفاظ بيعبروا عن نفسهم او بيعبروا عن شباب التحرير مش ديه قضيتى

اللى يفرح بجد ان حتى لو مفيش فى التحرير فهموا وجهه نظر تامر غير الاتنين دول فـ دة بيدل على ان بقيه الناس هتفهم صح وهتستوعب اللى حصل

ديه اكبر رد على كل واحد بيشكك فى نجاح تامر

اكبر رد على كل واحد فرح فى تامر وولع الدنيا بينه وبين الناس

اكبر رد على محاوله خايبه من الاعلام المصرى لـ اسقاط تامر وقلبره

اهوه دول الشباب اللى رفضوا نزول تامر للثوره هما هما اللى بيقولوا دلوقتى احنا عايزينه

وبيعتذروا ليه عن اللى حصل بس انا عايز اقول حاجه

ماتعتذروش يا جماعه انتوا ماعملتوش حاجه تعتذروا عليها لحد

انتوا فى ناس ضللتكوا وماكنتوش عارفين الحقيقه زى بالضبط كدة ما كان حاصل مع تامر ناس كانت مفماه حاجه تانيه غير الحقيقه

احنا معاكوا وتامر معاكوا وكل فنانين مصر معاكوا

علشان فى الاول وفى الاخر كلنا مصريين وكلنا نفسنا مصرنا تعلى وتعلى

وانتظروا يا جماعه مفاجاه جامده اوى من شباب ميدان التحرير شباب الثوره الحقيقه خلال الايام الجايه ديه بأذن الله

وعلى فكره انا مستنى الاعلام والناس الفاضيه الىل هتخش تقولك ان دول متأجرين ومش عارف ايه احب اقولكوا حاجه

لو متاجرين ماكنوش هيقدروا يرفعوا كلمه زى ديه فى التحرير لان كان ساعتها هتلاقى كل الناس بتعارضهم وبتطردهم لو فعلا ماكنوش موافقينهم على الكلام دة

كلمه اخيره للاعلام اللى سوء صوره وسمعه تامر

مش هتعرفوا تكسروا تامر وماتحولوش تقلبروه لان فى ملايين بتحبه وكل الشعب المصرى بيحبه ولا انتوا ولا غيركوا هتقدروا توقعوه

ومهما حاولتوا مش هتعرفوا تكرهوا الناس فى تامر

كل مره بتحاولوا ربنا بينصره عليكوا وعلى كل حاقد بيفكر انه يقلبره او يمسه حتى

ودة يا جماعه الفيديو الرسمى للرابطه للرد على كل احداث التحرير

██ فيديو : رد على ما حدث مع تامر حسني فى ميدان التحرير ██

وانتظروا الاحداث التيموريه من ميدان التحرير محدث دقيقه بـ دقيقه

مشكووووووووور يا حسام

مشكووووور ايتو على مرورك

مشكور وتسلم ايدك يا حبيب قلبى

مشكور جداااا تسلم ايدك

مشكوووووووورين جميعا على مروركم

» تامر حسنى فى ميدان التحرير يؤدى واجبه نحو بلده وشباب بلده
» تامر حسنى مع مى و درة
» اجمل صور تامر حسنى
» صورة تامر حسنى و هو نايم
» كلمات أغنية - ايد واحده تامر حسنى