krwan hazzeen2010
شخصيات هامه
 53258
البلد : 
العمر : 34
تاريخ التسجيل : 02/05/2010
المشاركات : 26
الجنس : 
 |  موضوع: الصدمة............دى اصعب اللحظات  الإثنين مايو 03, 2010 7:46 am | |
| الصدمة
[ندعوك للتسجيل في المنتدى أو التعريف بنفسك لمعاينة هذه الصورة]
الحكاية ..
هو.. واد راجل كده في تصرفاته و طبعه .. طالب في اخر سنة في الكلية ..
هي .. بنت ستايلش و روشة واحيانا لدرجة مأفورة .. و خلصت تعليمها ..
هو شافها .. كان معجب بيها .. كلمها و إتعرفوا ع بعض و بدأوا يقربوا لبعض اوى ..
حبها و إعترفلها بحبه .. وهي كمان كانت حاسة و قالتله وانا كمان بحبك ..
عاشوا فترة سوا و كان مبيسبوش بعض ابدا .. كانوا بيحبوا بعض اوى ..
يزعلوا .. يتصالحوا .. بس هو ماشفش منها حاجة وحشة طول الوقت ده ..
هو مكانش يعرف عن ماضيها كتير .. ومفيش ناس تعرف عنها كتير لأنها جديدة في المنطقة .. بس كان في ناس بتتكلم عن لبسها و طريقتها ..
عدي الترم الأول بتاعه ..
هي قالتله : في حد من قرايبنا ممكن يقف جنبك و يساعدك قدام بابا و انا بعتبره اخويا الكبير و بحكيله كل حاجة و حكتله عنك .. عايزاك تقابله و تبقوا اصحاب ..
هو قابل قريبها و الكلام دار بينهم .. وقريبها أعجب جدا بهو ..
هي حبها ليه زاد و إطمنت بعد الموضوع ده اوى و قربته اوى من حياتها ..
بقت تحكيله حتي عن التفاصيل الصغيرة عن حياتها ..
هو قالها : انا مستنى الترم ده يخلص بفارغ الصبر عشان اجي اكلم باباكي ..
هي مكنتش بتحب تخبي عنه اي حاجة مهما كانت حتي لو كانت مش المفروض تقولها ..
و في يوم هو جاي يكلمها عالموبايل لقاها بتعيط ..
و بيسألها : مالك يا حبيبتي في إيه ؟ ..
قالتله و صوتها بيتقطع من البكي : انا خايفة تسيبنى او تبعد عنى ..
هو قالها : إيه اللي بتقوليه ده يا حبيبتي انا مش ممكن اسيبك او ابعد عنك ..
هي إطمنت شوية و قالتله : في سر كبير اوى في حياتي و عايزاك تعرفه .. إنت في يوم من الأيام هتبقي جوزي ولازم تعرف عنى كل حاجة ..
هو إستغرب اوى من كلامها و قالها و كله ترقب : قولي في إيه ..
قالتله اوعدني الموضوع ده يفضل سر بينا ..
قالها : اوعدك ..
قالتله : انا مش بنت (طبعا اكيد كله فاهم) و للايضاح (not virgin) ..
هو حس وقتها إنه نفسه الأرض تنشق و تبلعه ..
إحساس بالصدمة و الذهول ..
متكلمش ولا كلمة لمدة ربع ساعة ..
بعدها قالها : و ده حصل ازاي و إمتي .. محبش يظلمها في الأول و إختار إنه يسمع منها ..
قالتله : ده من عشر سنين .. حصلتلي حادثة و اكتشفت بعدها إن ده اللي جرا .. (ملحوظة: طبيا الكلام ده ممكن يحصل)
انا عارفة إنك هتشك فيا .. بس صدقنى يا حبيبي هو ده اللي حصل ..
لحد هنا حكايتنا وقفت ..
يا تري لو كنت مكان هو ..
كنت هتعمل إيه ؟
مستنى مشاركتكم .. و ياريت تكملوا الحكاية ..
و في نهاية اليومين هقولكم هو عمل إيه ..
____________________________ | |
|
TOOM
ملك المنتدى
61994
البلد :
العمر : 42
تاريخ التسجيل : 05/01/2010
المشاركات : 1518
الجنس :
SMS :
| | موضوع: رد: الصدمة............دى اصعب اللحظات الجمعة مايو 07, 2010 5:43 am | |
| | |
|
